პავლოვნიას ხეს აქვს ძლიერი ფესვები, რომელიც ნიადაგში ღრმად იზრდება და სასარგებლოა მიწის ეროზიასთან ბრძოლაში. ძლიერი ფესვები ეხმარება ხეს გაუძლოს ძლიერ ქარს და გვალვას, გარდა ამისა ღრმად აღწევენ ნიადაგში და აქვთ წვდომა გრუნტის წყლებთან და საკვებ ნივთიერებებთან, რაც ეხმარება ხეს სწრაფად ზრდაში.

პავლოვნია ერთ-ერთი ყველაზე მსუბუქი ხეა, ის ფიჭვის ხის მასალის ნახევარს და მუხის მესამედს იწონის, ამის მიუხედავად ძალიან გამძლე და ამტანია, ამის გამო მას “ალუმინის ხეს”-აც უწოდებენ.

პავლოვნიას ხის მასალა, მისი სიმსუბუქის და კარგი რეზონანსული თვისებების გამო გამოიყენება მუსიკალური ინსტრუმენტების დასამზადებლად. ხის სიმსუბუქე უზრუნველყოფს ინსტრუმენტის მოხერხებულობას ხოლო რეზონანსი ხელს უწყობს მკაფიო ხმის გამოცემას.

პავლოვნია მსოფლიოში ერთ-ერთი ყველაზე სწრაფად მზარდი ხეა. ერთწლიანი ხის სიმაღლე 3-5 მეტრია, სამწლიანი ხე უკვე 10-15 მეტრ სიმაღლეს აღწევს, მცენარის მაქსიმუმი სიმაღლე კი 15-30 მეტრია, ამასთან ხის დიამეტრი 20-30 სანტიმეტრია.

პავლოვნია ადვილად ადაპტირებადი მცენარეა, არ არის პრეტენზიული და კარგად იზრდება სხვადასხვა ტიპის ნიადაგში. ყველაზე შესაფერისი და რეკომენდებულია მსუბუქი, კარგად დრენაჟირებული და ქვიშიანი ნიადაგი pH 5.0-დან 8.9-მდე. მოერიდეთ თიხიან, კლდოვან და ზედმეტად ტენიან ნიადაგს. პავლოვნიასთვის არ გამოდგება ნიადაგი, რომლის 25%-ზე მეტი თიხისგან შედგება, ასევე, არ არის კარგი 1%-ზე მეტი მარილიანობა. ახალგაზრდა პავლოვნია კარგად ვითარდება, როდესაც ნიადაგის სიღრმე მინიმუმ 1,5-2 მეტრია.

პავლოვიას ხის მასალის სიმსუბუქე, ხელს უწყობს მისგან დამზადებული ავეჯის კომფორტულობას, განსაკუთრებით ტრანსპორტირებისას. პავლოვნიასგან დამზადებული ავეჯი ასევე ნაკლებად ძვირადღირებულია, რაც მას განსაკუთრებულად პოპულარულს ხდის.